Menningarráð Vestfjarða / Fréttir

miðvikudagurinn 30. september 2009

Auglýst eftir styrkumsóknum - haust 2009

Menningarráð Vestfjarða hefur nú auglýst eftir styrkumsóknum vegna seinni úthlutunar á árinu 2009 til menningarverkefna á Vestfjörðum. Um er að ræða styrki til afmarkaðra menningarverkefna og eru umsóknir bornar saman á samkeppnisgrundvelli, þannig að fara þurfa saman áhugaverð verkefni og góðar umsóknir til að líkur séu á að styrkur fáist.

Menningarráð Vestfjarða hefur skilgreint ákveðna áhersluþætti við hverja úthlutun til þessa og við seinni úthlutun 2009 verður litið sérstaklega til menningarverkefna sem fela í sér eftirtaldar áherslur:

a. Nýsköpun á sviði lista og menningarstarfs.
b. Verkefni sem miða að fjölgun starfa.
c. Samstarf milli menningarstofnanna, byggðarlaga eða listgreina og uppsetning viðburða á fleiri en einum stað.
d. Verkefni sem miða að því að ungt fólk komi í auknum mæli að listsköpun og menningarstarfi á Vestfjörðum.

Umsóknarfrestur er til föstudagsins 30. október og er rafrænt umsóknarblað, leiðbeiningar og úthlutunarreglur að finna hér á vef Menningarráðsins. Í úthlutunarreglum er skilgreint hvernig verkefni Menningarráðið styður og einnig má skoða eldri úthlutanir til að fá hugmynd um það. Allar nánari upplýsingar gefur menningarfulltrúi Vestfjarða, Jón Jónsson, í síma 891-7372 og netfanginu menning@vestfirdir.is.

Bein tilvísun

miðvikudagurinn 30. september 2009

Auglýst eftir styrkumsóknum - haust 2009

Menningarráð Vestfjarða hefur nú auglýst eftir styrkumsóknum vegna seinni úthlutunar á árinu 2009 til menningarverkefna á Vestfjörðum. Um er að ræða styrki til afmarkaðra menningarverkefna og eru umsóknir bornar saman á samkeppnisgrundvelli, þannig að fara þurfa saman áhugaverð verkefni og góðar umsóknir til að líkur séu á að styrkur fáist.

Menningarráð Vestfjarða hefur skilgreint ákveðna áhersluþætti við hverja úthlutun til þessa og við seinni úthlutun 2009 verður litið sérstaklega til menningarverkefna sem fela í sér eftirtaldar áherslur:

a. Nýsköpun á sviði lista og menningarstarfs.
b. Verkefni sem miða að fjölgun starfa.
c. Samstarf milli menningarstofnanna, byggðarlaga eða listgreina og uppsetning viðburða á fleiri en einum stað.
d. Verkefni sem miða að því að ungt fólk komi í auknum mæli að listsköpun og menningarstarfi á Vestfjörðum.

Umsóknarfrestur er til föstudagsins 30. október og er rafrænt umsóknarblað, leiðbeiningar og úthlutunarreglur að finna hér á vef Menningarráðsins. Allar nánari upplýsingar gefur menningarfulltrúi Vestfjarða, Jón Jónsson, í síma 891-7372 og netfanginu menning@vestfirdir.is.

Bein tilvísun

fimmtudagurinn 17. september 2009

Auglýst eftir styrkumsóknum fljótlega

Framundan er fundur hjá Menningarráði Vestfjarða, mánudaginn 21. september. Þar verður m.a. gengið frá úthlutunarreglum vegna styrkja haustið 2009 og í framhaldinu verður auglýst eftir umsóknum síðar í sömu viku. Líklegt er að gefinn verði frestur í mánuð til að sækja um.

Bein tilvísun

miðvikudagurinn 16. september 2009

Tónsnillingar í Hömrum á fimmtudagskvöld

Dönsku tónlistarmennirnir Michala Petri blokkflautuleikari og Lars Hannibal gítarleikari halda tónleika fimmtudagskvöldið 17.september kl. 20:00 í Hömrum. Hér er um að ræða heimsfræga og afar eftirsótta tónlistarmenn og því einstakt tækifæri fyrir tónlistarunnendur að njóta tónlistar í heimsklassa.

Michala, sem var undrabarn, kom m.a. til Íslands í æsku og kannski muna einhverjir eftir því. Hún hefur haldið þúsundir tónleika um allan heim með mörgum af fremstu listamönnum heimsins og einnig leikið inn á ótal hljómplötur.

Efnisskrá tónleikanna er afar fjölbreytt og aðgengileg, verk eftir Bach, Vivaldi, Piazzolla og fleiri. Tónleikarnir eru 4. og síðustu áskriftartónleikar Tónlistarfélags Ísafjarðar á starfsárinu 2008-2009 og gilda áskriftarkort félagsmanna á tónleikana. Einnig eru seldir miðar við innganginn á kr. 1.500 og ókeypis er fyrir tónlistarnema 20 ára og yngri.

Bein tilvísun

fimmtudagurinn 3. september 2009

Auglýst eftir umsóknum um starfslaun listamanna

Auglýst hefur verið eftir umsóknum um starfslaun listamanna sem úthlutað verður árið 2010, í samræmi við ákvæði laga nr. 57/2009 með áorðnum breytingum.

Starfslaunin eru veitt úr sex sjóðum, þ.e.:

1.   launasjóði hönnuða,
2.   launasjóði myndlistarmanna,
3.   launasjóði rithöfunda,
4.   launasjóði sviðslistafólks,
5.   launasjóði tónlistarflytjenda,
6.   launasjóði tónskálda.

Umsækjendum er gert að sækja um á rafrænu formi á vef Stjórnarráðsins á vefslóðinni http://umsokn.stjr.is fram til mánudagsins 19. október 2009. Aðgangur er veittur á kennitölu umsækjanda (ekki kennitölu félags eða samtaka) og verður lykilorð sent viðkomandi á netfang sem hann gefur upp við nýskráningu.

Lykilorðinu má breyta eftir innskráningu með því að opna Mínar stillingar. Umsækjendur skrá sig inn með kennitölu og lykilorði og velja Stjórn listamannalauna undir flipanum Umsóknir. Þar eru umsóknareyðublöðin. Svæði merkt rauðri stjörnu verður að fylla út. Með umsókn skal fylgja greinargerð um verkefni það sem liggur til grundvallar umsókninni ásamt upplýsingum um hve langan starfstíma er sótt um og rökstuðningi fyrir tímalengd. Jafnframt skulu fylgja upplýsingar um náms- og starfsferil, verðlaun og viðurkenningar. Þessir þættir skulu að jafnaði liggja til grundvallar ákvörðun um úthlutun starfslauna.

Fylgigögnum með umsókn sem ekki er hægt að senda rafrænt skulu berast Skrifstofu Stjórnar listamannalauna, Hallveigarstöðum, Túngötu 14, 101 Reykjavík fyrir kl. 17:00 mánudaginn 19. október 2009. Athugið að hafi umsækjandi áður hlotið starfslaun verður umsókn hans því aðeins tekin til umfjöllunar að hann hafi skilað Stjórn listamannalauna skýrslu um störf sín í samræmi við ákvæði 4. gr. laga um listamannalaun nr. 57/2009 með áorðnum breytingum.

Nánari upplýsingar og leiðbeiningar fást á vef Stjórnar listamannalauna www.listamannalaun.is eða á skrifstofunni í síma 562 6388. Umsóknarfrestur rennur út mánudaginn 19. október 2009.

Menningarráð Vestfjarða hvetur vestfirska listamenn til að sækja um listamannalaun. Það eru aðeins þeir sem róa til fiskjar sem fá.

Bein tilvísun