Ísfirðingurinn Ingi Þór Stefánsson hefur sett upp sýningu á kaffihúsinu Langa Manga sem verður formlega opnuð á morgun. Sýningin ber yfirskriftina, „Ljósmyndir á striga“ en þar mætir myndlistin ljósmyndun á skemmtilegan hátt. Er þetta önnur einkasýningin hans Inga Þór en hann hefur mikinn áhuga á að blanda saman formum myndlistar. Opnunin hefst kl. 17 og eru allir velkomnir.

Þessi frétt er af www.bb.is.

Öskudagur á Borðeyri - ljósm. Sveinn Karlsson

Iðnaðarráðuneytið hefur auglýst eftir styrkumsóknir undir merkjum Átaks til atvinnusköpunar og er umsóknarfrestur til 15. febrúar 2008. Við síðustu úthlutun fengu 6 verkefni á Vestfjörðum styrki og voru að minnsta kosti 4 þeirra tengd menningu og ferðaþjónustu, en allskonar atvinnuskapandi verkefni geta fengið styrki. Styrkir geta að hámarki numið 50% af heildarkostnaði verkefnisins. Afar mikilvægt er að umsóknir séu vel gerðar og að öll umbeðin gögn fylgi með þeim. Munið að það getur verið gott að fá aðra til að lesa yfir umsóknir af þessu tagi og koma með ábendingar.

Þingeyri 1880 - ljósm. af thingeyri.is

Endurbætur á salthúsinu á Þingeyri ganga vel. Guðmundur Óli Kristinsson frá Dröngum á Ströndum er nú ásamt lærlingum að bæta fjalir og endurgera bita sem tilheyra húsinu. Salthúsið á Þingeyri var reist á 18. öld. Sagan segir að húsið sé jafn gamla pakkhúsinu á Hófsósi, þar sem Vesturfararsetrið er til húsa.

Í greinargerð Hjörleifs Stefánssonar arkitekts um Salthúsið kemur fram að deildar meiningar séu um aldur hússins. Sumir töldu það vera elsta hús landsins, reist árið 1732 eða 1734. Aðrir telja að það hafi verið reist árið 1774, en þá voru allmörg plankahús smíðuð og reist í Danmörku, tekin sundur og reist á verslunarstöðunum þar sem Konungsverslunin hin síðari var við lýði. Í greinargerðinni segir að sami smiður hafi byggt húsin á Hófsósi, Þingeyri og eins í Claushavn og Jakobshavn á Grænlandi.

Árið 1998 var byrjað að gera Salthúsið upp, en vegna fjárskorts lá verkið niðri í fjölda ára. Nú hefur endurgerð hafist að nýju og til stendur að reisa húsið nálægt upprunalegum stað á Þingeyri í sumar.

Frá þessu var sagt á www.thingeyri.is og www.ruv.is.