Jón Jónsson þjóðfræðingur á Kirkjubóli við Steingrímsfjörð á Ströndum er menningarfulltrúi Vestfjarða. Hann er með skrifstofuaðstöðu í Þróunarsetrinu á Hólmavík þar sem Menningarráð Vestfjarða hefur skrifstofu. Jón er með MA-próf í þjóðfræði frá Háskóla Íslands og hefur starfað að margvíslegum menningarverkefnum, ráðgjöf og ritstörfum, sýningarhönnun og safnamálum, víða um land í gegnum tíðina. Jón er stundakennari í þjóðfræði við Háskóla Íslands og var framkvæmdastjóri eigin fyrirtækis, Sögusmiðjunnar, áður en hann hóf störf sem menningarfulltrúi.